Në Panairin e Shkupit, prej sot deri më datën 18 të këtij muaji do të mbahet manifestimi i 34-t i panairit TEHNOMA 2008, në të cilin do të prezantohen 800 ekspozues direktë dhe indirektë nga Maqedonia dhe nga vendet e huaja.

Në sipërfaqe prej 15.000 metra katrorë (13.000 hapësirë ekspozuese e brendshme dhe 2.000 e jashtme), do të eksponohen arritjet më të reja nga teknologjia, metalurgjia, elektronika, jometalet, ndërtimtaria, energjetika, sigurimi, mbrojtja, inovacionet dhe sipërmarësia...

Në TEHNOMA 2008 janë ftuar përfaqësues të lartë të strukturave afariste evropiane, ndërsa pjesëmarrës gruporë do të jenë sipërmarrësit JAPTI nga Sllovenia, përfaqësuesit e rajonit të Opatisë nga Kroacia dhe afaristë grekë. Të gjithë do të prezantohen përmes odave të tyre ekonomike dhe asociacioneve. Me tenda informative, aktivitetet aktuale dhe të ardhshme para vizitorëve të Panairit do t'i prezantojnë edhe Oda zejtare e Maqedonisë dhe Asociacioni për inovacione MAKINOVA.

Ditët e panairit do të plotësohen edhe me prezantime dhe seminare në organizim të Agjencisë për zhvillim të potencialeve sipërmarrëse Humanopolis. Agjencia paralajmëron prezantim të BSI Menagment Systems për Sistemin OHSAS për menaxhim me shëndetin dhe sigurinë gjatë punës në kompanitë edhe për Sistemin ISO 14001:2004 për menaxhim me rrethinën, si dhe seminari "Shkollë interaktive për shitje".

Partnerët të manifestimit të panairiti këtë vit është ProCredit Bank dhe Hypo Grup Aple Adria.