Zëvendës-sekretari shtetëror i SHBA-së Xhejms Shtajnberg sot do të qëndrojë për vizitë në Maqedoni, e para pas emërimit të tij në funksionin në janar të këtij viti.

Gjatë vizitës, siç kumtoi Ambasada amerikane në Shkup, Shtajnberg i shoqëruar nga ambasadori Filip Riker, do të takohet me presidentin Gjorgje Ivanov, me kryeministrin Nikolla Gruevskin, si dhe me përfaqësues të partive politike.

"Në takimet do të bisedohet për situatat në skenën politike të jashtme dhe të brendshme, duke i përfshirë edhe marrëdhëniet dypalëshe midis SHBA-së dhe Maqedonisë, stabilitetin rajonal dhe procesin e ntegrimit të Maqedonisë në strukturat euroatlantike", kumtoi Ambasada amerikane./mia/