Shqipëria po sheh më tepër se kurrë më parë investitorë të huaj dhe qeveria pret që kjo prirje të vazhdojë pas hyrjes së vendit me NATO-n dhe pas hyrjes në fuqi të MSA-së.


Për shkak të aftësisë së investimeve të huaja direkte (FDI-ve) për të prodhuar punë dhe kontribuar në zhvillimin afat-gjatë ekonomik, qeveria e ka bërë tërheqjen e tyre, një përparësi.


Me reformat fiskale, përparimin në luftën kundër korrupsionit, normat e ulta të inflacionit, kosto të ulët pune, që çuan edhe në ndryshimin e imazhit të Shqipërisë, nga të dhënat zyrtare rezulton se investimet e huaja direkte në vitin 2008 kanë arritur në 880 milionë euro, krahasuar me 324 milionë euro që ishin në vitin 2004.


Vetëm gjatë 2 viteve të fundit janë realizuar privatizime strategjike si ARMO e cila u shit pët 120 milionë euro, një pjesë e aksioneve shtetërore pranë kompanisë AMC për rreth 50 milion euro, privatizimi i Bankës së Bashkuar me rreth 8 milion euro, si dhe privatizimi i OSSH-së për 102 milion euro.


Ndërsa qeveria e ka konsideruar procesin e privatizimit të sektorëve strategjik, "një kapitull i mbyllur" dhe Shqipërinë si vendi me ekonominë më të privatizuar në rajon, ka përcaktuar sektorët, që ofrojnë mundësi investimesh të huaja, si ndërtimin e impianteve të shfrytëzimit të energjisë hidro, termale dhe naftës. Por prioritet mbetet dhe sektori i turizmit shqiptar., i cili me një infrastrukturë në zhvillim dhe me nxitjen qeveritare, po bëhet gjithnjë e më tepër tërheqës për kompanitë e huaja.