Asistentët e Programit Studimor të Informatikës dhe Matematikës të Universitetit Shtetëror të Tetovës, me punimet e tyre shkencore morën pjesë në Konferencën ndërkombëtare në Tiranë. Kjo konferencë trajtoi temën: “Sistemet e Informacionit dhe Teknologjitë, si dhe rëndësia e tyre në zhvillimin Ekonomik” dhe u organizua nga Fakultetit Ekonomik i Universitetit të Tiranës, departamenti i Matematikës, Statistikës dhe Informatikës së zbatuar në bashkëpunim me Universitetin për Biznes dhe Teknologji të Kosovës si dhe në mbështetje të Akademisë së Shkencës të Shqipërisë.

Në këtë konferencë, Universitetin Shtetëror të Tetovës, Programi Studimor të Informatikës dhe Matematikës, me punimet e tyre autentike dhe shkencore e përfaqësuan: Festim Halili dhe Merita Kasa –"Analiza dhe krahasimi i stileve arkitekturore të ueb shërbimeve si dhe beneficionet e biznesit nga përdorimi i tyre"; Fisnik Dalipi dhe Florim Idrizi"Drejt modelit integrues për optimizmin e efikasitetit përkatës në organizata" dhe Xhevahir Beqiri “Kriteri i lëkundjeve për ekuacionet diferenciale jo-lineare të rendit të dytë".

Punimet shkencore të prezantuara në konferencë, hapën mundësi të reja për promovim të mëtutjeshëm të kërkimeve në lëmit e Shkencave Kompjuterike, Informatikës dhe Matematikës së Zbatuar. Punimet shkencore të prezantuara nga asistentët e USHT-së, nga pjesëmarrësit Ballkanik dhe Evropian u vlerësuan si hulumtime inovative dhe interesante.

Konferenca ndërkombëtare në Tiranë gjithashtu mundësoi një bashkëpunim të një niveli më të lartë në mes universiteteve të rajonit dhe Evropës si dhe debat të mirëfilltë në lëmin e teknologjisë informative.