Kryetari i BDI-së Ali Ahmeti, sot pasdite do të realizojë takim me nobelistin me origjinë shqiptare Ferid Murad.

Sipas njoftimit për media takimi do të mbahet në selinë e BDI-së në Tetovë.

Ferid Murat, i njohur për shpikjen e Viagrës lindi më 14 shtator të vitit 1936, në Shtetet e Bashkuara të Amerikës dhe mban titullin Doctor Honoris Causa të Universitetit të Evropës Juglindore dhe të Universitetit të Tiranës.

Nobelisti Prof. Dr. Ferid Murad, e vizitoi Universitetin Shtetëror të Tetovës, ku u prit nga Rektori Prof. Dr. Agron Reka, i shoqëruar nga Prorektorët, Dekanët, Sekretari i përgjithshëm dhe Shefja e Zyrës për Marrëdhënie me Jashtë, njoftoi Zyra për informim pranë USHT-së.

Rektori i USHT-së, Prof. Dr. Agron Reka, pasi i uroi mirëseardhje Muradit, u shpreh se ndjehen të nderuar me vizitën e tij dhe krenohen me veprën e tij, e cila ka arritur nivelin më të lartë botëror në shkencat e mjekësisë.