Federata Italiane e Futbollit ka bërë të ditur se ka suspenduar përjetësisht ish-drejtuesin e Juventusit, Luciano Moggi.

Ky i fundit ishte i pari në listën e skandaleve rreth kurdisjes së ndeshjeve në vitin 2006, dhe si pasojë e kësaj ai më asnjëherë nuk do të mundë të ushtrojë ndonjë funksion në futbollin italian.

Në vitin 2006 gjykata pat vendosur për dënim 5-vjeçar, por federata është treguar edhe më e ashpër duke e larguar përgjithmonë Moggin nga aktivitetet e futbollit në Itali.

Ndryshe në vitin 2006 në skandalin “Calciopoli” më se keqi kishte kaluar Juventusi, pasi ishin gjetur fakte të mjaftueshme për kurdisje të ndeshjeve qe kishte bërë Moggi, dhe si pasojë e kësaj “Zonja e Vjetër” ishte larguar nga Seria A për t’u rikthyer një vit më vonë.