- Shefit të Shtatmadhorisë së ARM-së, gjeneral-nënkolonelit Mirosllav Stojanovski, sot në Shtëpinë e ARM-së në Shkup, ambasadori amerikan në Republikën e Maqedonisë, Filip Riker do t'ia ndajë "Legjionin e meritave" nga Ministria e Mbrojtjes e SHBA-së.

Dekorata "Legjioni i meritave" është mirënjohja më e lartë të cilën SHBA-ja ua ndan përfaqësuesve të lartë të huaj, ndërkaq për avancim të marrëdhënieve bilaterale në fushën e mbrojtjes, si dhe për rezultate të jashtëzakonshme të treguara dhe të arritura në shërbim.

Në ceremoninë, krahas ambasadorit Riker, siç është paralajmëruar, do të marrin pjesë ministri i Mbrojtjes, Zoran Konjanovski, përfaqësues të lartë nga Ministria e Mbrojtjes, shefa të seksioneve të SHM të ARM-së, atashetë ushtarak të akredituar në Republikën e Maqedonisë, komandantët e komandave të para dhe nënoficerët kryesorë.