Prej sot, në pajtim me rregullat e BE-së, të vendosura në vitin 2007 dhe të ndryshuara në vitin 2009, operatorët e rrjeteve mobile në BE do të jenë sërish të detyruara t'i ulin çmimet e roamingut, kumtoi Komisioni evropian.

Obligimi do ta përfshijë periudhën deri më 30 qershor të vitit 2012. Gjatë qëndrimit jashtë vendit në kuadër të BE-së, klientët të cilët do të zgjedhin euro tarifë të rregullt, do të paguajnë jo më shumë se 35 eurocentë për minutë bisedë dhe 11 eurocentë për minutë telefonatë e ardhur.

Për vendet jashtë BE-së, çmimet do të llogariten sipas kursit të këmbimit, të shpallur në Gazetën zyrtare të BE-së prej 1 qershorit të vitit 2011.