Në Akademinë për gjykatës dhe prokurorë publik sot dhe nesër do të mbahet test provues psikologjik për kandidatët për gjykatës dhe prokurorë publik të cilët kanë mbaruar stërvitjen fillestare, dëgjuesit e stërvitjes fillestare në Akademinë, si dhe pjesë e bashkëpunëtorëve ekspert nga Gjykatat Themelore në Shkup.

Siç informojnë nga Akademia, sot do të zbatohet testimi me gojë, përderisa nesër do të kryhet intervistë me kandidatët të cilët e kanë kaluar testin provues psikologjik, qëllimi i të cilës do të jetë të japin fidbeg nga testimi me shkrim.

Testimin provues psikologjik do ta zbatojë Frank Van Lujik ekspert nga kompania konsultante e cila i dizajnoi testet dhe e cila është kompani e lartë me përvojë shumvjeçare në dizajnim dhe zbatim të testeve psikologjike për jurisprudencë në Mbretërinë e Holandës. Në testimin provues janë të ftuar të marrin pjesë edhe një ekip i ekspertëve nga Instituti për psikologji pranë Fakultetit Filozofik në Shkup.

Me ligjin e ri për Akademi për gjykatës dhe prokurorë publik si pjesë e testit të zbatuar në Akademinë, është paraparë nënshtrim i testit psikologjik i cili do të zbatohet mbi bazë të testeve psikologjike ndërkombëtare të pranuara për kryerje të funksionit gjykatës ose prokurorë publik.

Për atë qëllimin, në periudhën e kaluar Akademia në bashkëpunim me ekspertë nga Mbretëria e Holandës punonte në përgatitjen e testeve psikologjike. Pas përgatitjeve të testeve, të cilat veçmë janë edhe të përkthyera, pason faza e testimit provues e cila duhet të tregojë nëse testet e tilla janë adekuata me kushtet në jurisprudencën e Republikës së Maqedonisë.