Mbi 100 persona dhe 10 dema kanë vrapuar sot nëpër rrugët e Pamplonas, ditën e parë të festës së madhe spanjolle San Fermin. Në fillim të garës janë lënduar katër persona.

Garuesit, kryesisht të veshur në të bardha me shamia të kuqe, kanë vrapuar para demave nëpër rrugët e qytetit spanjoll, duke tentuar që të mbeten të palënduar.

Katër pjesëmarrës, tre spanjollë dhe një panamez kanë pësuar lëndime më të lehta.

“Shtegu është i gjatë 848.6 metra dhe është vrapuar për dy minuta e 30 sekonda”, deklaroi zëdhënësi i organizatorit të këtij festivali, që zgjat deri më 14 korrik.

Gara është bërë e njohur në mbarë botën përmes romanit “Dielli lind sërish”.