Më shumë se 11 milionë njerëz në Bririn e Afrikës përballen me thatësirën më të madhe në dekadat e fundit dhe kanë nevojë për masa urgjente, deklaroi mbrëmë sekretari i përgjithshëm i Kombeve të Bashkuara, Ban Ki-mun.

Ai apeloi deri te donatorët për mbledhjen e 1,6 milionë dollarëve ndihmë për rajonin e goditur, duke shtuar se gjysma nga kjo shumë është mbledhur.

Nga thatësira më të prekura janë Xhibuti, Kenia, Somalia dhe Uganda.

UNICEF kumtoi se vetëm në Kenia, jeta e 65.000 fëmijëve është në rrezik serioz, ndërsa në Somali çdo i pesti fëmijë vdes para se të mbushin pesë vjet.