"Rregullore për standarde dhe norma për planifikim urbanistik dhe ndikimi i tij në uzurpimin e hapësirës dhe e drejta për mjedis të shëndetshëm jetësor dhe jetesë humane" është tema e debatit të sotëm që e organizon Nisma qytetare për mjedis të shëndetshëm jetësor dhe jetesë të shëndetshëm.

Pjesëmarrësit analizojnë sipas çfarë standardeve dhe normave kryhet planifikimi urbanistik në vend dhe si në praktikë kjo pasqyrohet në mbrojtjen e sipëfaqeve të gjelbëra.

Anëtarët e Nismës qytetare theksuan se janë kundër uzurpimit të hapësirës përmes shkatërrimit të sipëfaqeve të gjelbëra me ndërtim të objekteve më shumë sesa është parashikuar me planet e përgjithshme dhe të hollësishme urbanistike.

Ata porositën të mos keqpërdoret Ligji për ndërtimt nga investitorët dhe nga administrata komunale.