Presidenti Gjorgje Ivanov ka dekretuar të gjitha ligjet e fundit të kaluara në Kuvend këto ditë, ndërkohë që për interpretimin autentik të ligjit të Amnistisë, nuk është nevojitur firmë, për shkak se bëhet fjalë thjesht për interpretim të tij.

Por, pas miratimit të interpretimit, Ivanov u tregua i gatshëm të priste edhe përfaqësuesit e familjeve të personave të zhdukur gjatë konfliktit të viti 2001.

Në takim, Ivanov dëgjoi qëndrimet dhe në fund, presidenca doli me një deklaratë ku thuhej se ‘Kreu i shtetit u bën apel të gjithë faktorëve politik që të përmbahen nga keqpërdorimi i situatës së vështirë në të cilën gjenden familjet e viktimave civile nga konflikti i vitit 2001’.