Qytetarët të mos e presin ditën e fundit që të parashtrojnë kërkesë për legalizim të ndërtimeve pa leje, sespe mendojmë seriozisht të mos vazhdohet afati i cili përfundon më 3 shtator dhe të ketë sanksione në të holla për ata që nuk do të parashtrojnë kërkesë konform Ligjit.

Apel të këtillë drejtoi ministri i Transportit dhe Lidhjeve, Mile Janakieski gjatë vizitës së sotme të punës në Radovish, ku me kryetarin e komunës Robert Velkov ndanë vendimet për vërtetim të statusit të objekteve të ndërtuara pa leje.

"Mendojmë seriozisht të mos e vazhdojmë këtë afat dhe të ketë gjoba për personat të cilët nuk parashtrojnë kërkesë konform Ligjit, sepse vetë kërkesa nuk është më e gjatë se tre minuta.

U bëjmë thirrje të gjithë kryetarëve të komunave që të formojnë ekipe, të cilët prej shtëpie në shtëpi, nga firmat në firma, në terren në mënyrë plotësuese do t'ua sqarojnë procesin, qytetarëve dhe do t'u ndihmojnë për këtë", tha Janakieski.