Së paku 91 persona janë vrarë dje në dy atentate në Norvegji. Njëri në afërsi të ndërtesës së kryeministrit norvegjez dhe tjetri në ishullin Otoy ku ishin mbledhur të rinjtë e Partisë Laburiste.

Atentati në afërsi të kryeministrisë ka shkaktuar vdekjen e 7 personave, ndërsa 84 persona kanë vdekur në ishullin Otoy, njfton Reuters.

Vrasësi është norvegjez

Policia norvegjeze konfirmoi zyrtarisht se ka arestuar atentatorin i cili ka kryer dy aktet teroriste.


“Nuk mund të themi nëse ka edhe bashkëpunëtor dhe ndihmës”, deklaroi zëdhënësi i policisë së Oslos Runar Kvernen i cili atentatorin e cilësoi si adhurues i partisë së ekstremit të djathtë.

Maniaki thotë së i krishterë dhe konservator

Vrasësi 32 vjeçar më kombësi norvegjeze Anders Behring Breivik në profilin e tij në facebook ka shkruar se është i krishterë dhe konservator dhe se i pëlqen gjuetia dhe video-lojrat "World of Warcraft" dhe "Modern Warfare 2" dhe se jeton në Oslo, njofton YllPress.com

Gënjeshtra pohimet për sulme të radikalëve islamik

Mbrëmë shumë media publikuan lajmin se organizata islamiste “Mbështetësit e Xhihadit Global”, që autoritetet e lidhin me publikimin e karikaturave të profetit Muhamed, kanë marrë përgjegjësinë e sulmeve, mirëpo për disa orë janë konfirmuar se janë gënjeshtra.


Kryeministri i Norvegjisë: Nuk do të na e shkatërroni demokracinë

Kam një këshillë për ata që na kanë sulmuar. Ky është mesazh nga e gjithë Norvegjia. Nuk mund të shkatërroni demokracinë tonë”, deklaroi kryeministri norvegjez pas sulmeve terroriste.