Jahti ekstravagant “Tropical island Paradise” i gjatë 90 metra është punë e kompanisë britanike, e cila merret me ndërtimin dhe dizajnimin e jahteve, “Yacht island Design”.

“Pjesa e jashtme e jahtit është dizajnuar për të krijuar përshtypjen e valëve që godasin ishullin vullkanik, duke ruajtur pamjen e jahtit modern”, ka thënë drejtori kompanisë, Rob McFirson, transmetojnë mediet britanike.

Në jaht “gjendet” vullkani nga i cili lëshohet ujëvara, ndërsa uji rrjedh në pishinë.

Brenda anijes gjendet edhe kinemaja, biblioteka, palestra, dhoma për lojë, suita dhe apartamentet VIP.

Çmimi i kësaj anije të veçantë nuk dihet akoma.