LaCie ka prezantuar diskun mobil Rugged Mini në versionin me interfejs USB 3.0. Sikurse edhe modelet e tjera në linjën Rugged të këtij prodhuesi, edhe Mini është rezistues ndaj goditjeve dhe lagies me ujë.

Dimensionet e shtëpizës prej alumini me përforcime prej gome janë 86 x 135 x 19 mm, që është për 40 për qind më pak se te modeli i mëparshëm, kurse pesha është 240 gramë.

Disku është në dispozicion me kapacitet prej 500 GB me 5400 rpm ose me 7200 rpm. Versioni me 1 TB është në dispozicion vetëm me disk, pllakat e të cilit rrotullohen me 5400 rpm.

Çmimet e këtij disku në tregun amerikan janë 100 dollarë për modelin me 500 GB me 5400 rpm, 120 dollarë për 500 GB me 7200 rpm dhe 160 dollarë për 1 TB me 5400 rpm.