Në Bullgari sipas deklaratave tatimore të paraqitura, ka 1.673 milionerë, që është gjashtëdhjetë herë më shumë sesa vitin e kaluar.

Deklaratat tatimore se gjatë vitit 2010 kanë realizuar të ardhura më të mëdha se sa një milion leva parashtruan 1.673 qytetarë, vitin e kaluar kanë qenë 28, ndërsa një vit më parë 87, shkruan gazeta e Sofjes "24 orë".

Milioner në Bullgari konsiderohet njeriu i cili posedon më tepër se një milion leva, gjegjësisht mbi 500.000 euro të holla në efektivë.

Në listën e 30 pasanikëve më të mëdhenj të cilët disponojnë me kapital prej 447 milionë levave (223,5 milionë euro), më i pasuri ka paraqitur të ardhura prej 30 milionë eurove, ndërsa më "i varfëri" vetëm 4,3 milionë euro.

Sipas anlistëve, "fajtor" më i madh për rritjen drastike të milionerëve në Bullgari është kriza ekonomike, pasi që një numër i madh i biznesmenëve për shkak të kësaj kanë qenë të detyruar ta shesin biznesin e tyre, ndërsa kapitalin e arritur ta paraqesin si tatim personal.

Në Bullgari sipas urdhërit të drejtorit të Drejtorisë tatimore, Krasimir Stefanov çdo milioner ka marrë konsulent të vetin.