Lady Gaga po planifikon të nisë karrierën në film, transmetojnë mediet amerikane. Këngëtarja ekscentrike kishte deklaruar më parë se adhuron filmin dhe do të dëshironte të provojë aktrimin, dhe duket se kjo do të jetë shumë afërt pas përfundimit të turneut të saj botëror.

“Ajo adhuron filmin dhe mendon se ky është hapi i ardhshëm që duhet ta bëjë. Asaj i janë ofruar skenarë të ndryshëm, dhe ajo do të lusë nënën që t’i ndihmojë në zgjedhjen e njërit. Është e rëndësishme që filmi i saj të jetë kualitativ, pasi që do t’i përcaktojë rrugën për të ardhmen. Pasi që të kryejë punën rreth albumit që planifikon ta publikojë pas Krishtlindjeve, do t’i përkushtohet vetëm filmit”, ka thënë një burim i afërt me të.