Dekorime orientale të disenjuara nga Karl Faberge për familjen mbretërore ruse, janë në mesin e qindra objekteve të Ferbeges që do të ekspozohen në muzeun "Virginia Museum of Fine Arts", në Riçmond, SHBA.

Ekspozita e titulluar "Faberge Revealed" përfshin edhe objektet në formë të vezëve të pashkëve që i kanë takuar mbretit si dhe skulptura e gjësende tjera nga tri koleksione private. Sipas kuratores së ekspozitës, publiku do të ketë rastin që t’i shohë në një vend punimet më të mira të disejnatorit Karl Faberge.

"Kjo është ekspozita më e madhe publike e Faberges në Shtetet e Bashkuara të Amerikës", ka thënë Geza von Habsburg, kuratore e ekspozitës.

Ekspozita do të qëndrojë e hapur deri më 2 tetor të këtij viti dhe përfshin disa dhurata që mbreti ia kishte dhuruar bashkëshortes së tij.