Prindërit dhe arsimtarët nga Tetova, nga ministri i Arsimit Pero Stojanovski, kërkojnë që urgjentisht të hapë një shkollë të mesme për fëmijët me nevoja të posaçme.

Ata këto kërkesa i parashtruan sot në Komunën e Tetovës me rastin e Ditës së Hapur të Ministrisë së Arsimit. Me këtë rast, prindërit i parashtruan një mori pyetjesh Stojanovskit që kanë të bëjnë me mënyrën e veshjes në shkollë por edhe me mënyrën e punësimit të arsimtarëve në baza partiake.

“Ministria formoi një grup pune i cili është i përbërë prej përfaqësuesve të Ministrisë së Arsimit, asaj të Punës dhe Politikës Sociale, sindikata dhe BNJVL-së. Në këtë mënyrë grupi i punës në mënyrë transparente do t’i përcaktojë kriteret përmes të cilave do të bëhet punësimi”, deklaroi ministri i Arsimit, Pero Stojanovski.