Fidel Castro mbushi 85 vjet, e kësaj radhe nuk ishte në qendër të opinionit publik, por ai ende mbetet një personalitet me ndikim në shoqërinë e Kubës.

Nuk pati kremtime me rastin e ditëlindjes së Castros.

Siç dihet, Castro fillimisht u largua përkohësisht nga funksioni i presidentit në vitin 2006, e më pas edhe përfundimisht në vitin 2008, për shkak të sëmundjes, për të cilën theksoi se gati i kishte kushtuar me jetë.

Siç dihet, Fidel Castro vendin e presidentit ja lëshoi vëllait të tij më të ri, Raul Castros.

Në pension, Fidel Castro ka vazhduar të shkruaj komente për gazeta dhe një seri të librave, përfshirë këtu edhe librin autobiografik, në të cilin ai përshkruan ngjarjet, të cilat i mundësuan atij që të marrë përsipër pushtetin, pas revolucionit në vitin 1959.