Nuk ka të ndalur Mihrie Braha, janë të njëpasnjëshme hitet që po sjell ajo tani në këtë vit. Kënga që do të befasojë publikun titullohet “Të dua vetëm ty” dhe shumë shpejt do të shfaqet edhe në ekranet tona televizive.

Mihria ndjehet e kënaqur me këtë projekt muzikor, në të cilin thotë se ka punuar me mjaft përkushtim. “Shpresoj që edhe kjo këngë të vijë si një hit veror për adhuruesit e mi. Kënga ka një tematikë dashurie, është e përgatitur nga Jeton Berisha dhe së shpejti pritet të plasohet bashkë me videoklip”, ka thënë ajo për “Zëri”.

Videoklipin e këngës Mihria është duke e përgatitur me produksionin “Play” dhe “Maximus” nga Prishtina. “Jam duke gjiruar videoklipin, pjesa dërrmuese e punës ka mbaruar. Në këtë klip po punoj me dy produksione dhe besoj se do të sjellim diçka të mirë dhe të veçantë për publikun”, thotë ajo. Për dallim nga disa videoklipe paraprake, Mihria këtë klip është duke e xhiruar në ambient të mbyllur.