Në Tajvan, Instituti për Kërkimin Teknologjik Industrial ka prezantuar një lloj special letre elektronike, që mund të fshihet fare kollaj dhe që emrin e koduar e ka i2R.

Kjo letër tepër e hollë është realizuar me kristale likuide kolesterine, një teknologji që garanton një cilësi shumë të mirë leximi, kënde shumë të gjera shikimi dhe konsumim shumë të ulët.

Bashkë me një stampues termik, copa e letrës LCD mund të shkruhet, por edhe të fshihet e rishkruhet (madje edhe me ngjyra) deri në një maksimum prej 260 herësh.

Letra termike që mund të fshihet do të hyjë në treg pas disa vitesh dhe supozohet se aplikimet e para do të bëhen nëpër dokumentet identifikuese dhe në sinjalistikën rrugore.