Gjithsej 25.288 persona janë infektuar nga gripi i derrave në 73 shtete, tregojnë të dhënat më të reja që sot i lajmëroi Organizata Botërore e Shëndetësisë (OBSH).

Vetëm gjatë fundjavës janë regjistruar 3.348 raste të reja të personave të infektuar dhe 14 të vdekur.

Numri më i madh i rasteve janë regjistruar në SHBA, ku ka edhe dhjetë të vdekur.

Vijojnë Meksika, Australia, Britania e madhe dhe Argjentina ku ka rritje të vazhdueshme të të infektuarve.

Rasti i parë i vdekjes gjatë fundjavës është regjistruar edhe në Republikën Domenikane.