Sipërfaqen e livadhit prej 35 metra katrorë e kositi për 43 sekonda dhe kështu theu rekordin e saj të mëparshëm për 15 sekonda më pak.

Në garë, njërën ndër të rrallat ku burrat dhe gratë garojnë në të njëjtën kategori, u paraqitën 60 kositës dhe 30 kositëse nga Sllovenia, Austria, Zvicra, Gjermania, Italia dhe Spanja, shkruan portali boshnjak “Sarajevo-x”.

Sipas rregullave të lojës, 12 anëtarë të jurisë - përveç shpejtësisë së kositjes së barit - vlerësojnë edhe “pastërtinë” e sipërfaqes së kositur.

Nëse lihen fije të barit në sipërfaqen e kositur atëherë garuesi dënohet me pikë. Çdo pikë e tillë ia shton garuesit edhe 10 sekonda kohë nga koha e përgjithshme e kositjes.

Gara kositjes së barit daton nga viti 1969, kur ishte organizuar ndërmjet krahinave të Bavarisë në Gjermani dhe Tirol në Austri, ndërsa më vonë kjo garë u bë zyrtare dhe në të u lejuan të marrin pjesë më shumë shtete.