Ndërmarrjet serbe deri në fund të vitit do të mbetet pa 250 milionë dollarë fitime, nëse nuk gjen ndonjë zgjidhje për rikthimin e mallrave të tyre në Kosovë, raportojnë mediat serbe.

Humbjet në shkallë vjetore kështu do të arrinte në 450 milionë dollarë amerikanë.

Biznesmenët dhe ekonomistët serbë tërheqin vërejtjen se në saje të vendimit të autoriteteve të Kosovës për të ndaluar hyrjen e mallrave serbe do të profitojnë kompanitë kroate, maqedone e malazeze.

Më 2010 qarkullimi vjetor serb në Kosovë “peshonte” 395 milionë dollarë, nga të cilat 391,3 milionë ishin eksporte të Serbisë atje, kurse nga Kosova ishin importuar mallra me vlerë vetëm 4 milionë dollarë. Deri në fund të gjashtë mujorit të sivjetshëm eksportet serbe në Kosovë kishin arritur në 200 mil;ionë dollarë, pohojnë burimet serbe.