Shtetasit e huaj, të cilët qëndrojnë si turistë në Turqi prej 13 qershorit 2011 mund t'i shfrytëzojnë shërbimet e spitaleve, të cilat janë pjesë e sistemit të Ministrisë turke të Shëndetësisë, kumtoi Konsullata për kulturë dhe turizëm pranë Ambasadës turke në Shkup.

Personat që do të kenë nevojë për shërbime shëndetësore do të mund të paraqiten në numrin 112 në Qendrën për thirrje urgjente, respektivisht në 184 në Qendrën për paraqitjen e ankesave, duke u drejtuar në disa gjuhë të huaja edhe atë anglisht, gjermanisht, arabisht dhe rusisht.

Turqinë në vit e vizitojnë rreth 30 milionë turistë.