Jim Carrey ka zbuluar se ai çmendet pas Emma Stone-it dhe dëshiron të martohet me aktoren. Ai këtë zbulim e ka bërë përmes një video-blogu. Aktori 49-vjeç ka filmuar një video, ku ai haptazi e pranon simpatinë ndaj aktores së filmit 'The Amazing Spider Man', e cila është 27 vite më e re se ai.

“Emma, mendoj se je e tëra e bukur. Jo vetëm e bukur, por edhe e mençur dhe zemërmirë. Dhe po të isha shumë më i ri, do të martohesha me ty. Do të kishin fëmijë me fytyrë topolake dhe me pikla”, thotë ai në këtë video. Jim i cili në prill të këtij viti është ndarë nga modelja e “Playboy”-it, Jenny McCarthy, e ka pranuar se mes tyre ka një diferencë të madhe në moshë dhe se lidhja e tyre do të ishte e papërshtatshme.