Një deputet turk nga Partia e aksionit kombëtar gjithë pagën e tij do ta japë për bursa të studentëve nga rajoni Koxhaeli, në Turqinë veriperëndimore.

Latfa Tarkan do t'ua japë pagën e tij të deputetit në periudhë prej katër vite 50 studentëve, të cilët në këtë mënyrë do të marrin bursë mujore nga 200 lira turke (79 euro).

Tarkan deklaroi se ka pasur dëshirë t'ua jep pagën e tij studentëve që para se të zgjidhet për deputet në zgjedhjet parlamentare të 12 qershorit.

Erxhan Topaxha, vali në rajonin Koxhaeli, prej nga Tarkan u zgjodh për deputet, e shënoi këtë gjest si "shembull i mirë për filantropinë e popullit turk".

Studentët do të kandidohen për bursë në periudhën prej 1 deri 3 shtator, me ç'rast dhjetë prej tyre do të zgjidhen nga Tarkani, ndërsa 40 të tjerë nga autoritetet lokale të Koxhaelit.