Policia e EULEX-it, e mbështetur edhe nga KF0R-i, sot herët në mëngjes (rreth orës 05.30) ka hyrë në fshatin Zubç në veri të Kosovës dhe ka filluar kontrollin e shtëpive në kërkim të autorëve të vrasjes së efektivit të policisë speciale të Kosovës, ROSU.

Zëdhënësi i EULEX-it, Nikolas Haton ka thënë se operacioni po zbatohet në mënyrë që të forcohet sundimi i së drejtës dhe të vihen para drejtësisë përgjegjësit për vrasjen e policit Fatmir Zymberi, duke mos dhënë detaje të tjera.

Ndërkohë, serbët kanë filluar të tubohen afër vendit ku më 25 korrik kishin organizuar bllokada disaditëshe të rrugës Mitrovicë- Ribariq afër fshatit Zubç.