Derisa disa personalitete të njohura pas ndërprerjes së lidhjes apo pas divorcit kanë vendosur të mbajnë tatuazhet që simbolizojnë ish-dashurinë e tyre, ka edhe të tillë të cilat janë penduar dhe kanë vendosur që t’i largojnë ato. Kështu yjet si Johnny Depp, Britney Spears, Angelina Jolie dhe Charlie Sheen, i kanë rënë pishman për zbukurimin e trupit të tyre me tatuazhet “e dashurisë”, kështu që të njëjtat i kanë “përmirësuar” apo në tërësi i kanë larguar.

Johnny Depp

Mbishkrimin “Winona Forever” i cili dikur qëndronte në kraharorin e Johnny Depp-it, si simbol i dashurisë për të dashurën e atëhershme Winona Ryder, më vonë është ndërruar, kështu që tani në dorën e tij të djathtë shkruan “Wino Forever”.

Britney Spears

Britney Spears nga qafa e saj e ka larguar tatuazhin me simbolet e sektit Kabbala, të cilin e kishte bërë derisa ishte mbështetëse e tij.

Charlie Sheen

Charlie Sheen emrin e ish-bashkëshortes së tij, Denise Richards-it, e largoi nga dora e majtë, ndërsa aktorja po ashtu vendosi të heqë tatuazhin që simbolizon ish-dashurinë e tyre, kështu që mbishkrimin “Charlie” e shndërroi në vilë.

Angelina Jolie

Sot dorën e majtë të Angelina Jolie-t e “zbukuron” dragoi, ndërsa më herët në vendin e njëjtë qëndronte mbishkrimi “Billy Bob”, i cili “lindi” në kohën kur kjo bukuroshe ishte në martesë të lumtur me aktorin Billy Bob Thornton.