Pas shtimit në të gjithë botën të rasteve të të infektuarve me të ashtuquajturin Gripi i Derrave, Organizata Botërore e Shëndetësisë e shpalli epidemi të përbotshme gripin e derrave. Këtë e bëri të ditur qeveria suedeze. Në një mbledhje urgjente, ekspertët për epidemitë zhvilluan konsultime për të vendosur nëse duhet ta klasifikojnë si epidemi të përbotshme gripin e llojit të ri.

Kjo është hera e parë në këta 40 vjet, kur OBSH ka shpallur shkallën më të lartë të alarmit, për një epidemi. Që prej shfaqjes së rasteve të para me këtë grip në Meksikë, në të gjithë botën janë regjistruar më shumë se 27 mijë raste infektimi dhe më shumë se 140 raste vdekjeje. Në Gjermani njihen 100 raste infektimi me këtë grip. Së fundi, në Dyseldorf u infektuan 30 fëmijë të shkollës japoneze me këtë virus.