Kohëve të fundit po qarkullojnë fjalë në opinion për një lidhje të mundshme midis prezantueses së RTK-së, Erleta Hoti dhe këngëtarit nga Shqipëria, Kastro Zizo. Ata janë parë shumë shpesh në shoqëri të njëri-tjetrit, mirëpo sipas Erletës, kjo është vetëm një miqësi dhe asgjë më shumë.

Erleta i mohon fjalët që qarkullojnë në opinion duke thënë se këto janë vetëm thashetheme dhe propagandë e gazetarëve të Shqipërisë. “Së fundi kam dëgjuar fjalë kinse paskam filluar një aferë dashurie me Kastron, mirëpo kjo nuk është fare e vërtetë.

Këtë propagandë e kanë përgatitur vetë gazetarët e Shqipërisë, që s’kanë punë tjetër por të bëjnë thashetheme për ne. Unë Kastron e kam vetëm një shok të mirë dhe asgjë më shumë, nuk mund të quhet dashuri apo të shpiket ndonjë fjalë për një dy persona që i sheh bashkë.

Ne jemi shokë dhe dalim bashkë, mirëpo nuk jemi të dashuruar”, ka thënë ajo për “Zëri”. Edhe pse ata të dy së bashku janë parë duke shëtitur gjatë kësaj sezone vere, Erleta thotë se kjo është dhe do të mbetet vetëm një miqësi dhe asgjë më shumë mes tyre.