Procesi i demarkacionit të kufirit maqedonas-kosovar është duke u zhvilluar në një frymë konstruktive dhe në pajtueshmëri me planin e punës, dhe pritet të përfundojë në javët e ardhshme.
Këtë, siç lajmërohet zyrtarisht, e vlerësoi sot Komisioni i përbashkët teknik për demarkacionin e kufirit mes Maqedonisë dhe Kosovës, në takimin në Shkup.
Gjatë takimit, të dy komisionet kanë aprovuar dhe nënshkruar procesverbalin e takimit të kaluar të mbajtur në Shkup si dhe protokolin për vendosjen e shtyllave kryesore përgjatë vijës kufitare mes Kosovës dhe Maqedonisë. /Makfaks/
