Ylli i filmave me vampirë, “Twilight”, Ashley Greene, ka nënshkruar për të udhëhequr një fushatë e cila ka për qëllim ndërprerjen e dhunës familjare.

Greene është bërë zëdhënëse e fushatës së revistës së bukurisë ‘Glamour’, me titull ‘Tell Somebody’ (tregoj dikujt).

Si pjesë e rolit të saj, aktorja do të punoj për të inkurajuar vajzat nga e mbarë bota që të flasin për veten e tyre nëse ato apo dikush që e njohin, janë të përfshira në lidhje abuzive. Duke dalë para kamerës për të incizuar një deklaratë publike, ajo thotë: “Dhuna familjare i prek të gjitha llojet e femrave.

Të reja, të moshuara, të edukuara, të fuqishme, të pasura, të varfra... Gati një në katër femra janë fizikisht të sulmuara apo të dhunuara nga partnerët e tyre. Tregoj dikujt për këtë”.