Tajfuni Talas, i cili e goditi pjesën perëndimore të Japonisë mori të paktën 20 viktima dhe shkaktoi shira të rrëmbyeshëm, përmbytje dhe rrëshqitje të dheut, kumtuan mediat lokale.

Të paktën 50 viktima llogariten të zhdukur, ndërsa numri i viktimave pritet të rritet pasi që ende nuk ka të dhëna për dëmet dhe viktimat në rajonin e gadishullit Ki, në pjesën jugore të qytetit Osaka.

Urdhër për evakuim është shpallur për 460.000 persona në pjesën perëndimore dhe qendrore të Japonisë.

Tajfuni po afrohet ngadalë drejt veriut përmes Detit të Japonisë, që do të thotë se shirat e rrëmbyeshëm do të vazhdojnë edhe më tej të bien në vendin.

Talas është tajfuni i 12-të në sezonin vjetor të stuhive tropikale në Oqeanin Paqësor.