Përforcimi i ri i Romës, argjentinasi Fernando Gago të hënën gjatë një konferencë për mediat, ka thënë se është i kënaqur që gjendet në skuadrën e Romës.

Ai beson se do të zë vend në formacionin e parë bazë të skuadrës së Romës.

“Ndihem mirë që jam këtu. Unë mund të luaj në të gjitha rolet në mesfushë. Unë do të përpiqem që të zë një vend në formacionin bazë”, ka thënë argjentinasi.

Ai më pas ka folur edhe për ish- skuadrën e tij, Real Madrid.

“Në Madrid, kam kaluar mirë. Kam fituar trofe, por në sezonin e fundit kisha probleme fizike dhe kjo më komplikoi punën mjaft shumë duke humbur besimin e trajnerit. Tash jam në gjendje të mirë dhe i gatshëm për skuadrën”, tha ai.