Britney Spears është gati për të zbarkuar në Evropë. Pasi ka përmbyllur me sukses turneun e saj në shtetet amerikane, këngëtarja do të sjellë “Femme Fatale”, në vendet evropiane. Kalendari i koncertit të saj është publikuar dhe në datën 30 shtator, këngëtarja do të jetë në Budapest, ndërsa përfundimi i turneut do të zhvillohet në Angli, në datën 6 nëntor në Manchester.

Ky turne nuk e tremb këngëtaren, por e shfaq atë më të vendosur në aftësitë e saj artistike. “Adhuroj punën time, dhe angazhohem jashtëzakonisht shumë që çdo gjë që bëjë, të jetë në mënyrë sa më perfeket. Për koncertin kam nevojë për energji, dhe gjatë gjithë vitit përgatitem për të mbajtur ritmin e duhur”, është shprehur këngëtarja.