Cikli i tretë i Programit "Forume në bashkësi" do të realizohet gjatë këtij dhe vitit të ardhshëm dhe përfshin 18 komuna, informoi në konferencën e sotme ambasadori zviceran në Maqedoni Stefano Larzaroto.

Buxheti i përgjithshëm për këtë cikël është 59.675.000 denarë prej të cilave 28.600.000 denarë janë pjesëmarrje e komunave, ndërsa 31.075.000 denarë janë donacion i Agjencisë zvicerane për zhvillim dhe bashkëpunim (SDC).

Në këtë cikël do të organizohen katër tipe të forumeve - forum projektues, buxhetor, ndërkomunal dhe buxhetor me mbështetje tl procesit. Në këtë cikël janë përfshirë komunat Kriva pallankë, Makedonski Brod, Gostivar, Bogovinë, Mavrovë-Rostushë, Kratovë, Kavadar, Rosoman, Demir Kapi, Bërvenicë, Vevçan, Vrapçishtë, Çeshinovë-Obeleshevë, Gradsko, Bosillovë, Berovë, Strumicë dhe Dibër.

Ministri i Vetqeverisjes Lokale Nevzat Bejta në konferencë theksoi se kjo mbështetje financiare për komunat është shumë e rëndësishme për shkak se u jep mundësi të re që ata në mënyrë më efikase t'u përgjigjen kërkesave të qytetarëve, ndërsa vetë qytetarëve u jep mundësi për afirmim të interesave të tyre në nivel lokal.

"E gjithë kjo bëhet me pjesëmarrje të drejtpërdrejt, me një prej instrumenteve më demokratike të vendosjes, ndërsa ajo është debati i hapur dhe transparenca", tha Bejta.

Me këtë Program të cilin Ministria lartë e vlerëson, sipas tij, vendosen mekanizjma të ri të cilat çojnë drejt realizimit të të kësaj Ministrie, ndërsa ajo është inkuadrimi i qytetarëve në procesin e vetëvendosjes në nivel lokal.

"Qytetarëve u mundësohet që vetë të vendosin për atë se çka është më e rëndësishme për ata dhe ku të investohet në komunën e tyre, gjegjësisht qytetarët në bashkëpunim me komunat të vendosin për projektet prioritare", tha ai.

Bashkësinë e Njësive të Vetqeverisjes Lokale e prezantoi nënkryetari Izet mexhiti, i cili tha se nga përvoja e tij personale si kryetar komune dhe përfaqësues tani në BNJVL me këtë Program mundësohet bashkëpunim më i hapur dhe transparent të qytetarëve me komunat dhe se për komunat janë të pranueshme prioritetet e qytetarëve.

Programi "Forume në bashkësi" ka për qëllim ta mbështesë procesin e decentralizimit në Republikën e Maqedonisë dhe t'u mundësojë qytetarëve të marrin pjesë në zhvillimin e bashkësisë lokale.

Programi është financuar nga Agjencia zvicerane për zhvillim dhe bashkëpunim (SDC), e zbatojnë pesë organizata - FSHHM, CIP-a, QMBN, AID dhe Qendra për zhvillim të qëndrueshëm-ALKA, ndërsa është mbështetur nga BNJVL-ja.