Intervistoi: Liridona Kuçi


Yll Press - Në cilën moshë keni filluar të merreni me këtë art?

Flow - Me graffiti kam filluar të merrem prej 9-10 vjet, ishte kohë kur graffiti ishte shumë pak i njohur në Tetovë.


Yll Press - Të shtyu dikush që të merresh me këtë art apo ishte vet dëshira?

Flow - Të gjitha gjërat bëhen me vet dëshirë, normal se vet dëshira.

Yll Press - Ke marrë pjesë nëpër shumë evenimente të ndryshme ku ke aplikuar graffitin. Cilin nga ato evenimente të shumta do ta veçoje si më mbresëlënës?

Flow - Më shumë ka pasur projekte ku janë realizuar graffiti jam. Do ta veçoja graffiti jam-in e organizatës "Loja" i cili u mbajt para objektit të kësaj organizate dhe kishte numër të madh të graffiteve.

Yll Press - Cili ka qenë graffiti më i vështirë që ke punuar deri tani?

Flow - Mendoj se më i vështirë ka qenë punimi i cili u vizatua për tifo grupin ballistet, ishte një punim me dimensione shumë të mëdha.

Yll Press - Si e vlerësojnë këtë art tetovarët?

Flow - Tetova gjendet në hapat e parë të artit urban, por gjithsesi të gjitha punimet priten mirë dhe kjo i inkurajon edhe njerëzit e tjerë për tu marrë me këtë art.

Yll Press - A janë të interesuar të rinjtë që të mësojnë diçka rreth këtij art?

Flow - Po shumë, tani është kohë tjetër, rinia merret me gjëra tjera në krahasim me rininë e para disa viteve. Kjo është diçka pozitive.

Yll Press - Para disa ditësh u publikua në You Tube dhe një video ku paraqiten punimet tuaja. Me kë e realizuat këtë video?

Flow - Po, ajo ishte videoja e parë me graffiti e quajtur SPRAYnFLOë, si video e parë me graffiti në Tetovë edhe në rrethin ku ka shqiptarë. Ky projekt u realizua në bashkëpunim me Neo Production. Sa i përket montimit të videos, me të është marrë Muhamer Mustafai.

Yll Press - Çfarë komentesh keni marrë rreth kësaj videoje?

Flow - Deri tani kam marrë komente pozitive dhe i ka pëlqyer njerëzve puna që kemi bërë ne.

Yll Press - Çfarë pretendon Florini për të ardhmen?

Flow - Të kem jetë dhe shëndet, të tjerat arrihen vetë :P

Yll Press - Një mesazh për ata që pëlqejnë graffitin!

Flow - Për të gjitha ata që pëlqejnë graffitin, vazhdoni pëlqejeni, vazhdoni shprehni aftësinë tuaj dhe shkruani në murin e fqinjit tuaj :P

Thanks :D

Puna që bën Flow vërtetë është për tu admiruar, ndërsa neve na mbetet vetëm ti shohim punimet e tij dhe të japim vlerësimin tonë :).