Shoqata e gazetarëve të Maqedonisë është distancuar dhe ka dënuar sjelljen skandaloze të gazetarëve nga Maqedonia në Parlamentin Evropian, gjatë debatit për situatën e mediave në vend.

Për SHGM-në gazetarët me veprimin e tyre kanë turpëruar dhe diskredituar profesionin e gazetarisë. ‘Ju rikujtojmë se dy grupet e gazetarëve të cilët shprehin qëndrime ekstrem të kundërta, nuk e pasqyrojnë gjendjen reale të mediave dhe gazetarisë, por i paraqesin qëndrimet e tyre politike.

SHGM vlerëson se kjo situatë është pasojë e gazetarisë partiake që në Maqedoni po zhvillohet në njëzet vjetët e fundit, thuhet ndër të tjera në reagimin me shkrim të SHGM-së.

Ata për gjendjen e krijuar ne media akuzuan qeverinë aktuale por edhe ato paraprake. SHGM gjithashtu ka dënuar sjelljen e euro-parlamentarit Jorgos Shacimarkaqis, pasi sipas tyre ka fyer gazetarët maqedonas me fjalë të rënda.