Një komentues danez i politikës ka përmbushur premtimin e dhënë vitin e kaluar, duke ngrënë kapelën e tij.

Henrik Kuvortrup kohë më parë në një emision direkt televiziv kishte ngrënë kapelën e tij.

Ai për këtë veprim kishte vendosur pasi që vitin e kaluar kishte premtuar se do të bëjë një gjë të tillë nëse liberalët arrijnë të hyjnë në parlament.

Partia Liberale në atë kohë kishte pasur përkrahje të vogël të votuesve në Danimarkë, andaj Henrik mendoi se liberalët nuk kanë kurrfarë shansesh. Megjithatë, ndodhi e kundërta, andaj komentuesi politik bëri atë që kishte premtuar.

Ai ka zier kapelën 12 orë për të zbutur dhe për të humbur shijen e kashtës. Në këtë “specialitet” ai ka shtuar edhe domate, karotë dhe selino. Pasi ka ngrënë një porcion të kapelës së përgatitur, Henrik ka thënë se i ka pëlqyer shumë dhe se pjesën tjetër do ta ha në shtëpi.