Bill Hudson konsideron se vajza e tij, Kate Hudson, është ashtu si është pasi që shumë kohë kishte kaluar me nënën e saj, Goldie Hawn, të cilën Bill e përshkruan si një “gënjeshtare të madhe”.

Bill, 61-vjeçar e shkroi biografinë për vajzën e tij. Që vetes t’i sigurojë fitim sa më të madh, librin e mbushi me detaje “të nxehta” nga jeta e aktores së popullarizuar. Ai pa aspak turp, vajzën e “nxiu” duke i dhënë emërtime të shumta e “të tmerrshme”. “Kate është ‘shejtan i prishur’ i cili rrallë shihet. Ajo ‘i gllabëron’ meshkujt dhe e tëra që di është t’i ndërrojë”, kishte shkruar Bill në biografi.

Nënën e Kate-t dhe ish-bashkëshorten Goldie Hawn e përshkruan si “femër të shthurur” e cila e përdori famën që të përhap gënjeshtra për të. “Kishte thënë se jam baba i keq, se kam raport të tmerrshëm me fëmijët tanë, ndërsa e vërteta është se ajo nuk më lejonte t’i shihja, dhe më e rëndësishmja për të ishte që të ketë lidhje të hapur dhe të ‘sorrollatet’ me meshkujt tjerë”, shkroi Bill.