Aq zemërgjërë është bërë Paris Hilton, sa tani ka nisur të shpërndajë edhe para nëpër rrugë... Trashëgimtarja e famshme amerikane ka qenë në Indi, aty ku s’është kursyer në ndihmë të të varfërve. Fillimisht i kërkoi shoferit që të ndalonte për t’i hedhur një 100 dollarësh një gruaje me një fëmijë në krahë.

E teksa ajo e gjora u kërkonte fotografëve që po ndiqnin Hiltonin për t’ia thyer kartmonedhën në qindarka, vetë bjondia amerikane e mallëngjyer ka vazhduar të shpërndajë dollarë përgjatë varfanjakëve e lypsëve, duke harxhuar të gjitha që kishte në xhep për një total prej rreth 2000 dollarësh.

“India është shumë e bukur – ka komentuar në Tweeter -, por disa zona janë të pushtuara nga varfëria. Më qan zemra kur shoh fëmijët të flenë nëpër rrugë”.

Tashmë ngrihet dyshimi nëse vërtet e ka ndjerë atë që bëri, apo ishte thjesht lëvizje marketingu për të tërhequr vëmendjen në lidhje me arsyen e vërtetë të vizitës së tij në Indi: hapjen e një dyqani çantash të "brand"-it të saj...