Revista “GQ” për femrën e vitit e zgjodhi 27-vjeçaren, Lara Stone-n për të cilën shumica thanë se nuk do “t’i jepnin as qenin t’ua shëtisë”. Lara Stone në intervistën për revistën e meshkujve që ia dha këtë titull tha se ballafaqohet me “komente të tmerrshme në llogari të pamjes së saj”.

“Nuk jam ndier kurrë e bukur”, tha kjo modele e cila është e njohur si imazh i shtëpisë “Calvin Klein” dhe “Givenchy”. “Komentet në internet të njerëzve që më quajnë “të shëmtuar” disa herë ma kanë luhatur vetëbesimin.

Dhemb kur lexoni komente të këtilla”, tha Lara Stone. Modelja e njohur kohë më parë pozoi në kalendarin e “Pirelli-t” së bashku me Milla Jovovich-in dhe Kate Moss-in.