Regjisori i famshëm Roman Polanski ka marrë më në fund çmimin e karrierës në Festivalin e Kinemasë në Zvicër.

Në fakt, këtë çmim Polanski duhet ta kishte marrë dy vjet më parë, kohë në të cilën regjisori u arrestua për shkak të një akuze për kryerjen e marrëdhënieve seksuale me një minorene.

Ngjarja, sipas akuzave të vajzes, kishte ndodhur në Amerikë në vitin 1977. Pas refuzimit të gjykatës për ta ekstraduar në Shtetet e Bashkuara, regjisori me origjinë francezo-polake tashmë mund të lëvizë lirisht në Zvicër.

Regjisori 78-vjeçar, i njohur edhe si shkrimtar dhe aktor, ka drejtuar filma edhe në Poloni, Britani, Amerikë e Francë. Ai konsiderohet si një ndër prodhuesit e vërtete kinematografikë në botë.