Ministri i Vetëqeverisjes Lokale Nevzat Bejta, priti në një takim Raportuesin e komisionit për respektim të obligimeve dhe angazhimeve të vendeve anëtare të Këshillit të Evropës Robert Valter.

Implementimi i Marrëveshjes së Ohrit me theks të veçantë implementimi i Decentralizmit dhe situata politike në Republikën e Maqedonisë pas zgjedhjeve parlamentare, ishin temat për të cilët biseduan ministri Nevzat Bejta dhe përfaqësuesi i këshillit të Evropës Robert Valter.

Bejta e njoftoi Valter me të arriturat, sfidat dhe planet për në të ardhmen në sferën e Decentralizimit si shtyllë kryesore e Marrëveshjes së Ohrit.

Ministri Bejta i tha Valter se në përgjithësi procesi i decentralizimit shkon mirë dhe se qytetarët e Republikës së Maqedonisë, kanë fituar shumë nga faza e parë të decentralizimit. Kurse sa u takon zgjedhjeve të fundit në vend, Ministri Nevzat Bejta, tha se këto zgjedhje ishin ndër më të mirat që janë organizuar ndonjëherë në Maqedoni.