Kryeministri shqiptar Sali Berisha nga fundi i muajit të ardhshëm do të qëndrojë për vizitë zyrtare në Maqedoni.

Sipas televizionit Top-Channel, temat kryesore të bisedës me nikoqirin e tij, Nikolla Gruevski do të jetë përshpejtimi i procesit për lëvizje të lirë të qytetarëve të dy vendeve, që nënkupton kalim të kufirit vetëm me letërnjoftim, pastaj perspektivat euroatlantike të Maqedonisë, avancimi i bashkëpunimit rajonal ekononik, implementimi i Marrëveshjes së Ohrit.

Berisha në Maqedoni, me ftesë të Gruevskit duhej të qëndronte në maj të vitit të kaluar, por siç u komunikua zyrtarisht nga Kabineti i kryeministrit shqiptar, ajo u anulua për shkak të mbingarkimit të tij, por edhe krizës politike në Shqipëri.