Ministri i Arsimit, Shkencës dhe Teknologjisë, Ramë Buja, nënshkroi të shtunën vendimin, me të cilin Mazllum Baraliu emërohet rektor i Universitetit Publik të Prizrenit (UPz), njoftoi Ministria e Arsimit.

Mësohet se emërimi i dr. Baraliut të jetë bërë në bazë të vendimit të bordit të përkohshëm të UPz-së, i cili i propozoi ministrit tre kandidatë të mundshëm për rektor.

Propozimet thuhet u bënë pas votimit të fshehtë të anëtarëve të bordit- votim, i cili u realizua pas intervistimit të gjithë kandidatëve.